Poem 101: Untitled Poem

Walang Pamagat

September 23, 2010 at 6:42pm

Nakangiti syang humalik sa aking noo
sabay sabing "anak gumising na't tumayo"
dun sa masayang lugar pupunta tayo
kakain, magpapahinga't maglalaro

Sa aming pagbaba, tanawing maganda
masayang paligid at kahali-halina
ang bawat anak na may ngiti at tawa
samantalang pag-ibig kay ina at ama

Sa ilalami ng maberde't mabangong kakahuyan
kami ay kumain at nagkakwentuham
si ama umangat sa pinagtatrabahuhan
samantalang si ina, bayad na sa utang

Sa tayog ng arae na pagkatirik tirik
masaya na akong pamilya ko'y hitik
sa pagmamahalang walang kapalit
buo na't matatag, masaya't walang bahid

Sa pamilyang tulad niyan kay sarap sumali
ngunit katotohanan pa rin ang saksi
masakit tanggaping paggising ikukubli
kabaligtaran lang ang lahat ng nangyari